வர்ண ஜாலம்

கருப்பு வெள்ளை காலத்திற்கு முன்பே
வர்ணங்கள்
தனித்தும் இணைந்தும்
நிறமாலைகள் இருந்ததாம்

புது வர்ணங்கள் வந்தபின்
ஒற்றைநிற ஒளிப் பாய்ச்சலில் 
காணாமல் போயின பழைய வர்ணங்கள் 

எனினும் -

வர்ண விளக்கானாலும்
ஒற்றைநிற விளக்கானாலும்
ஏனோ 
எல்லாப் பொருட்களின் நிழலும்
ஒரே நிறத்தனவாய்

இசைக்குறிப்பு

மழை ஓய்ந்த

முன் மாலை ஒன்றில்

இரு மின்சாரக் கம்பங்களின் 

இடையில் மின்கம்பிக் கோடுகளில்

வரிசையாய் 

வெவ்வேறு தினுசாய் அமர்ந்திருக்கும

காக்கைகளை பார்க்கையில்

ஒரு கணம் தெரிகிறது 

இசைக்குறிப்பு